RAFTING 22-23. MEMORIA E FOTOS

O día de onte estivemos a desfrutar dunha actividade de rafting no río Ulla, no tramo da Ponte da Sinde a Herbón. Fíxonos un día de sol e calor que nos permitiu facelas actividades e aproveitar ao máximo a zona de comida na área recreativa A.Barosa, un sitio espectacular pola súa beleza. Pola tarde adicámonos un rato a aliviar tensións no campo de paintball Campodolobo. Esperamos que vos gustasen as actividades e que fose un día divertido para tod@s. Grazas polo voso comportamento, por participar e vivir con nós esta aventura.

Malia que xa as envíamos ao grupo de whatsapp queda, coma sempre, o enlace ás fotos da actividade e tamén podedes acceder pinchando no icono da actividade do menu da esquerda. Vémonos noutro río. Unha aperta a tod@s.

https://photos.app.goo.gl/ENmte3Xjo89N1QJP9

FIN DE CURSO 22-23

O mércores 21 de xuño rematamos este curso 22-23. Para mín foi importante porque é o primeiro curso dos que levo no Cruz do Sar no que conseguín sacar adiante case todas as actividades extraescolares programadas polo departamento: surf en 1º ESO, acampada en 2º, rafting en 3º, Camiño de Santiago en 4º ESO e a semana da neve en 6º EP, 2º e 3º ESO. Penso que todas estas actividades axudan a que vos formedes coma personas e aprendades a ser máis autónomos e responsables. Pero estas saídas non serían posible de non ter un pouco de complicidade con vós, CONFIAR EN VÓS  e esto significa que o voso comportamento sexa bo. Paseino ben este curso, disfrutamos de moitas actividade e espero que para todos vós este curso tamén fora especial.

Deséxovos a tod@s unhas boas vacacións, que descansedes e recarguedes pilas, aproveitade algún momento para analizar tamén como foi o voso curso e o voso comportamento. Este ano houbo un montón de problemas de convivencia en cursos diferentes, pensade si de verdade estes "malos rollos" merecen a pena. Moita sorte tamén a todos aqueles que nos deixan e van continuar o seu camiño noutro centro. Botarémosvos de menos. Pois nada, a disfrutar do verán. Vémonos en setembro...

DESPEDIDA ALUMNADO 4º ESO 22-23

Non sei en que momento da nosa traxectoria xuntos empezamos a separarnos, non sei onde quedou o feeling que tiña con vós cando entramos xuntos na ESO, e digo entramos, porque ese foi o meu primeiro curso no CPI Cruz do Sar. Con 4º A malia as nosas desavenencias ao longo destes anos fomos recuperando parte desa boa relación que había, sinto dicir que con 4º B non sentín o mesmo. Sei que tod@s temos parte de culpa, pero para mín que adoito ter, en xeral, boa relación co alumnado este curso con vós resultoume complicado.

Hai personas que fan mellores ás personas coas que están; outras que teñen tendencia a deixarse arrastrar polos demais; outras cun ego tan grande que son incapaces de recoñecer os seus erros e tratar de cambiar ou adaptarse; outras que tratando de evitar problemas, e pesar da súa intelixencia, son incapaces de plantarse ante as inxustizas; outras que son nocivas para o resto; outras...., en fin... espero que cos anos a maioría de vós sexa, ou intente ser, do primeiro grupo

Sodes unha xeración que pasou por unha pandemia e un confinamento nunha etapa complicada  da vida, espero que saibades sobrepoñervos a esa situación. Moitos teriades que ter repetido en algún momento moito antes de chegar a este curso, pero as cousas son así e sei que a inmensa maioría marcharedes este curso. 

Agora vou dicir ALGO AMABLE. Malia  todo o que vos dixen antes eu sigo creendo en vós, agora que empezades unha nova etapa o mundo ábrese ante vós e tedes que saír e ser constantes e perseverantes para acadar os vosos soños. Quero dicirvos tamén a tod@s que aquí seguides a ter ao voso centro e aos vosos profesores para o que precisedes. Deséxovos toda a sorte do mundo para o voso futuro e lembrade que o máis importante, o que máis hai que coidar son a familia e os amigos.

Pedirvos perdón por todo o que poiden facer ou dicir ao longo destes anos que vos poidera ter parecido mal (incluida esta entrada), quero que saibades que a miña intención sempre é intentar que sexades mellores personas. Non me enrollo máis. MOITA SORTE A TOD@S na vosa vida, lembrádevos de nós algunha vez, perdonádenos se fixemos algunha cousa mal e intentade ser felices. BICOS PARA TOD@s.

MEMORIA E FOTOS ACAMPADA

E os nosos gran meteorólogos de 2º de ESO erraron as súas previsións e SÍ QUE CHOVEU!. Malia as adversas condicións meteorolóxicas que nos perseguiron durante estes dous días fomos quen de realizar todas as actividades previstas. Gracias pola vosa colaboración e comportamento, En xeral a actividade desenrolouse de xeito satisfactorio. Agradecer a Fernando a súa colaboración e axuda na realización da actividade. Espero que volvades algún día a este sitio con sol, sobre todo á ruta en kaiak. Vémonos noutra, unha aperta a tod@s.

Podedes ver as fotos que sacamos os profes e as poucas que me mandastes algúns pinchando no icono da actividade no menú da esquerda ou no seguinte enlace:

https://photos.app.goo.gl/6SLtkBRQyaH8prhe6

SAÍDA ACAMPADA

Desafiando as previsións metereolóxicas o alumnado de 2º de ESO acompañados por Fernando e eu mesmo realizaremos unha acampada no cámping Fragadeume en Queixeiro (Monfero), alí montaremos as nosas tendas e realizaremos unha ruta en kaiak no encoro do río Eume e unha ruta de sendeirismo polas Fragas. Espero que o tempo nos respete un pouco e que tod@s vos portedes o mellor posible. Vémonos mañá ás 10:00 no Concello. 

SEMANA ORIENTACIÓN

Durante esta semana e a seguinte estamos a traballar cos diferentes cursos da ESO diferentes aspectos relacionadas coa orientación: rastreos, lectura de mapas, recorridos dentro do centro e fóra do centro..., intentando aprender conceptos básicos como mapa, tarxeta de control, compás, baliza, rumbo... 

Empezamos algo tarde polo que non nos dará tempo a ver todo, pero considero que está ben que teñades unha lixeira idea dese deporte tan descoñecido que é a orientación.

AUTORIZACIÓN RAFTING

O departamento de Educación Física do CPI Cruz do Sar organiza unha saída o martes día 27 de Xuño co alumnado de 3º de ESO para realizar unha actividade de rafting e paintball, esta actividade entra dentro do bloque de contidos de Actividades na Natureza da programación anual.

O rafting  consiste en baixar en grupos e dentro dunha balsa neumática o curso dun río, o monitor actúa como timonel mentres os demais controlan a embarcación cos remos. A actividade realizase equipados cun traxe de neopreno, chaleco salvavidas, casco  e sempre estaremos acompañados de dous - tres monitores da empresa TURNAUGA.

·        O rafting faríase no río Ulla preto de Padrón e o paintball en Caldas de Reis.

·        A saída será do concello de Bergondo  ás 09:00 h. do día 27 de Xuño.

·        Os alumnos levarán a comida, xantaremos na área recreativa A Barosa preto do río Ulla.

·        A chegada será sobre ás 20:00 ou 21:00 horas dependendo do tempo que leve a actividade.

·        A empresa Turnauga proporciona o material: traxe de neopreno e chalecos e contrata un seguro de responsabilidade civil por cada participante, polo que é necesario que me comuniquen antes o DNI.

·        O prezo é de 46 euros, esto inclúe a actividade de rafting (22 €)  e de paintball (24 € con cargador de 200 bolas).

·        É obrigatorio saber nadar.

·        MATERIAL: Cada participante debe levar un calzado deportivo que se poida mollar ou escarpíns e traxe de baño posto. Deben levar tamén toalla e roupa interior de reposto. Despois cada un que leve a roupa que considere oportuno.

·        Profesores acompañantes: Juan Luis Allegue e Fernando Pazos.

·        A data límite para entregar  as autorizacións é o venres 16 de xuño e para pagar o mércores 21 de xuño.

PROGRAMA E MATERIAL ACAMPADA

1º día: CÁMPING - KAIAK

10:00   Saída de Bergondo (Concello)

11:00   Chegada ao Cámping Fragadeume (Queixeiro)

12:00   Montaxe tendas / Colocación cousas / Normas cámping e actividades

14:00   Xantar no cámping

15:30   Saída hacia As  Eiras (Clube Deportivo Fragas do Eume)

16:00   Kaiak no Encoro do Eume

19:30   Regreso ao Cámping

21:00   Cea

2º día:  CÁMPING - SENDEIRISMO NAS FRAGAS

08:00   Levantarse

08:30   Almorzo

09:00   Rota de sendeirismo polas Fragas do Eume (14 -16 Km)

13:00   Chegada a Caaveiro, volta ao cámping en bus

14:00   Xantar

16:30   Recollida tendas

17:00 ou 20:00  Regreso a Bergondo

18:00 ou 21:00  Chegada a Bergondo

 

PREZO:  45  EUROS (Cámping / Ruta Piragüismo). Pódese realizar o pago ata o MÉRCORES 14 de xuño, contamos con que vaian todos os que entregaron a autorización.

 

MATERIAL RECOMENDADO:

- TENDA DE CAMPAÑA (Que a monten na casa antes de ir á actividade e que comproben que están tódolos elementos necesarios)

- SACO DE DURMIR / - ESTERILLA

- CALZADO: Tenis cómodos e USADOS para a rota de sendeirismo, o que teña botas pódeas levar (suxeitan mellor o pé) / Chanclas para ducharse no abergue / Para o piragüismo valerían unhas chanclas, tede en conta que ese calzado vaise mollar.

- ROUPA: Roupa suficiente para dous días, roupa cómoda / Varios pares de calcetíns / Calzado de reposto / Toalla de ducha e elementos de aseo persoal / Bañador / Chubasqueiro / Gorra ou sombreiro para protexerse do sol / Levade unha mochila pequena para levar a roupa para cambiarnos o día da ruta en kaiak e para levar algunha cousa o día da rota de sendeirismo: auga, chubasqueiro, algo de comida...

- BOTIQUÍN: Tiritas, cacao, crema solar / Os alérxicos e asmáticos deben leva-los medicamentos que teñan prescrito.

- OUTROS: Lanterna