VOLTA ÁS AULAS

O martes 02 de abril voltamos ás aulas. Espero que descansarades e recargarades pilas para a avaliación que queda. Benvid@s de novo ao centro.

FOTOS ACROSPORT 23-24

Déixovos ao alumnado de 3º ESO o enlace para acceder ás fotos sacadas na última clase de acrosport adicada ás grandes estruturas. Grazas ás persoas que colaboraron na toma das fotografías.

https://photos.app.goo.gl/9Ppb65mnjLuxdZnT7

FOTOS III TORNEO XADREZ

No seguinte enlace tedes o acceso ás fotos que sacamos durante o torneo de xadrez. Cando as vexades co paso do tempo teredes unha lembranza de cando erades "xadrecistas". Agradecer ás alumnas de 3ª de ESO o seu traballo coma fotógrafas. Lembrade que tamén podedes acceder ás fotos das distintas actividades no menú da esquerda do blogue onde aparecen as actividades (para poder ver este menú dende o móbil hai que poñer a versión web)

ENLACE FOTOS III TORNEO XADREZ

RESULTADOS III TORNEO XADREZ CPI CRUZ DO SAR

Este mércores 20 de marzo celebramos no CPI  Cruz do Sar o III Torneo de Xadrez. Houbo un total de 96 participantes dos diferentes cursos da ESO e de 5º e 6º de Educación Primaria. O noso torneo vai medrando e incorporando novos paticipantes.

Felicitar a tod@s, en especial aos de 1º da ESO e 5º e 6º de EP que era a primeira vez que participaban no torneo.  Agradecervos a todos a vosa participación, o voso comportamento e tamén a vosa inapreciable axuda na colocación e na recollida de todo o material: taboleiros, mesas e sillas. En canto aos resultados hai unha clasificación  e uns están máis arriba e outros maís abaixo. Para mín todos sodes gañadores pola experiencia de xogar un "torneo case real" e por ser capaces de pasar un rato sentados e pensando (uns máis ca outros). Tede en conta tamén que as idades son diferentes e os niveis tamén. O MÁIS IMPORTANTE é que todos estiveramos unha mañá xuntos disfrutando con ese DEPORTE "RARO" que é o XADREZ. Tamén lembrarvos que para mellorar hai que xogar algo durante todo o ano e non só xogar o torneo do centro.

Os resultados foron os seguintes:

1º Clasificado:   Pedro Marcos Otero
2º Clasificado:   Víctor Fariña Roo
3º Clasificado:   Aldán Rodríguez Mallo
4º Clasificado:   David Alonso Negreira
Mellor alumna clasificada:   Alma Fernández Barros
Mellor clasificado de 5º de EP:   Luis Sanjurjo Portero
Mellor clasificado de 6º de EP:   Diego Rivadulla Hermida
Mellor clasificado de 1º de ESO:   Marcos Diéguez Barral
Mellor clasificado de 2º de ESO:   David Alonso Negreira
Mellor clasificado de 3º de ESO:   Miguel Salorio Campi
Mellor clasificado de 4º de ESO:   Pedro Marcos Otero

Deixovos un enlace coa clasificación final do torneo. 

CLASIFICACIÓN III TORNEO XADREZ CPI CRUZ DO SAR

Tamén quería pedir desculpas a Nuno de 1º de ESO e Luján de 2º de ESO por ter cometido algun erro durante a toma de datos de victorias e derrotas. Bueno, pois nada despois dun día intenso a descansar, GRAZAS de novo a todos por participar. En breve subirei á páxina as fotos que se sacaron durante o torneo. SEGUIDE PRACTICANDO sen desanimarvos.

III SEMANA XADREZ CPI CRUZ DO SAR

Coincidindo coa celebración o día 20 de marzo do noso III Torneo de Xadrez no CPI Cruz do Sar durante toda a semana do 17 ao 21 de marzo teremos no pavillón todos os xogos de xadrez colocados e esa semana as clases de Educación Física da ESO adicaranse ao xadrez. 

Aqueles que xa saiban xogar poderán practicar con outros compañeiros e os que aínda non saben terán a oportunidade de aprender. Toda a comunidade educativa está invitada a xogar durante estos días.

ANIMÁDEVOS

III TORNEO XADREZ CPI CRUZ DO SAR. NORMAS

   

     O vindeiro mércores 20 de marzo celebraremos a III edición do noso torneo de xadrez CPI Cruz do Sar. O torneo comezará sobre as 09:30 da mañá do mércores no pavillón. O alumnado que vaia participar debe dirixirse ao pavillón en canto toque o timbre de entrada . O torneo durará toda a mañá polo que o alumnado que participa non irá a ningunha clase ese día.

     Hai un total de 96 alumn@s anotados entre 5º e 6º de Primaria e Secundaria. O torneo constará de oito rondas e se xogará sempre contra rivais do mesmo nivel, é dicir sempre xogaremos contra aqueles que teñan o mesmo número de victorias ou derrotas ca nós. Todo o alumnado xogará as oito rondas.

     O tempo para cada partida é limitado (30 minutos aproximadamente). No caso de non rematar a partida no tempo estipulado contarase o valor das pezas e adxudicaráselle a victoria ao que teña máis puntos en pezas. De ter as mesmas serán tablas. En último caso decidirá a organización do torneo. Cada victoria valerá un punto e as tablas medio punto para cada un.

        

HORARIOS DE CADA RONDA

 

1ª Ronda: 09:30

2ª Ronda: 10:00

3ª Ronda: 10:30

4ª Ronda: 11:00

 

11:30 – 12:00  DESCANSO

 

5ª Ronda: 12:00

6ª Ronda: 12:30

7ª Ronda: 13:00

8ª Ronda: 13:30

 

Sorte a todos, lembrade que no xadrez é preciso manter o silencio e grazas pola vosa participación.

DATAS EXAMES TEÓRICOS ESO 2º AVALIACIÓN

 As datas dos exames teóricos da 2ª avaliación para os distintos grupos da ESO son as seguintes:

2º ESO B: 05 de marzo

3º ESO A: 29 de febreiro

3º ESO B: 29 de febreiro

4º ESO A: 04 de marzo

4º ESO B: 04 de marzo

UNIDADES ESO 2ª AVALIACIÓN

 As unidades que imos ver durante esta 2ª avaliación nos cursos de educación secundaria son as seguintes:

1º ESO
UD 4. Balonmán
UD 5. Xogos populares e alternativos 1
2º ESO
UD 2. Atletismo 1
UD 4. Fútbol sala

UD 5. Floorball
3º ESO

UD 2. Atletismo 2
UD 4. Acrosport

UD 5. Xogos populares e alternativos 3

4º ESO

UD 2. Actividades de raqueta 2.

UD 5. Xogos populares e alternativos 4.

UD 6. O ritmo

FOTOS SEMANA NEVE 23-24

Aquí tedes unha escolleita das fotos que reunimos entre todos, podedes aceder a elas no seguinte enlace ou pinchando na foto da actividade do menú da esquerda. Saúdos a tod@s.

https://photos.app.goo.gl/U98qNdnbFB4TxS5L6

MEMORIA SEMANA NEVE 23-24

REGRESAMOS. Finalmente e en dúas etapas conseguimos volver a Bergondo sans e salvos. O 12 de xaneiro as 94 personas do CPI Cruz do Sar, nun bus ás 09:30 e noutro ás 16:30, voltamos da nosa viaxe a Jaca. Qué odisea!!!

En fin, para mín xa sabedes que o máis importante é que non houbo lesionados de gravedade, o resto son simples anécdotas que lembraremos con risas nos vindeiros anos. Espero que disfrutarades da experiencia e da intensidade coa que se viven os días na neve. Moitos xa sodes case expertos e para outros foi o voso primeiro contacto co esquí.

Agás o mércores que nevou case todo o día tivemos uns días perfectos para o esquí. O luns e martes con moito frío pero o xoves foi un día espectacular. Agradecervos a tod@s a vosa presenza, o voso comportamento e a vosa axuda e colaboración. Este ano, salvo algún caso aislado, foi un pracer estar esta semana na vosa compaña.

Quero que entendades o complicado que é organizar e mover a un grupo tan grande e a responsabilidade que supón para os profesores que prestan o seu tempo para acompañarnos. Espero que algún día vos sexades capaces de valoralo.

Tivemos algunha visita á clínica pero agardamos que se recuperen axiña os poucos lesionados que houbo. Grazas a todos por vir e ao profesorado acompañante por prestarnos o seu tempo: Eva, Lolo, Kike, Fernando e por suposto a Xosé Antonio. Sen todos eles esta actividade non sería posible.