RESULTADOS AVALIACIÓN FINAL

 Os resultados da avaliación final en Secundaria realizada o luns día 23 de xuño  foron os seguintes: 

1º ESO A:      24 alumnos        24  aprobados      00 suspensos         100% aprobados

1º ESO B:      24 alumnos        24 aprobados       00 suspensos         100% aprobados

TOTAL 1º      48 alumnos        24 aprobados       00 suspensos          100% aprobados

2º ESO A:      24 alumnos        24 aprobados       00 suspensos        100% aprobados

2º ESO B:      25 alumnos        25 aprobados       00 suspensos         100% aprobados

TOTAL 2º     49 alumnos        49 aprobados       00 suspensos         100% aprobados

3º ESO A:     19 alumnos         19 aprobados        00 suspensos       100% aprobados

3º ESO B:     19 alumnos         18 aprobados        01 suspensos         95% aprobados

TOTAL 3º    38 alumnos         37 aprobados        01 suspensos         97% aprobados

4º ESO A:     24 alumnos         23  aprobados       01 suspensos        96% aprobados

4º ESO B:     24 alumnos         23 aprobados        01 suspensos        96% aprobados

TOTAL 4º:   48 alumnos         46  aprobados       02 suspensos        96% aprobados

TOTAL        183  alumnos       180 aprobados      03 suspensos        98% aprobados

FIN DE CURSO 24-25

Rematamos o curso!! Recoñezo que esta semana fíxoseme especialmente longa. Ás veces resultades moi pesados co tema dos balóns e de baixar ao patio. A razón de non deixar balóns os derradeiros días foi que había 12 balóns de fútbol no almacén e o mércores quedaban 5. E NON HAI MÁIS QUE DICIR!!!.

O responsable do material deportivo é o xefe de do departamento de EF, que malia que vos pese, son eu; e por tanto decido cando se pode deixar material e cando non. A norma do departamento é NON DEIXAR MATERIAL NUNCA. Por iso deixamos material nos bauis para os períodos de lecer.

A RESPONSABILIDADE de que non quede material no baúl É VOSA. Estou un pouco farto de que non asumades as vosas responsabilidades. Os profes non utilizamos o material, se o perdedes, o "embarcades" como dicides vós ou o tirades para a finca de ao lado ou para o tellado É CULPA VOSA.

Sempre podedes traer os vosos balóns e perdelos. Como xefe do departamento de EF non estou disposto a tolerar un mal uso do material do centro. APRENDEDE ou ASUMIDE AS CONSECUENCIAS. É así de fácil.

O mesmo podería dicir do material de xogo das clases: os taboleiros de xadrez e de parchís. Non hai un xogo completo de fichas en ningunha clase, é vergonzoso ver como tratades un material que é de todos.

En fin, despois de desfogarme un pouco, tamén quería desexarvos unhas boas vacacións, que descansedes e recarguedes pilas e que voltedes o vindeiro curso con ánimos renovados e con ganas de aprender un pouco. Se tedes algo de tempo libre facede unha reflexión sobre como foi o voso curso, se merecedes as notas que levades e canta marxe de mellora tedes.

Unha aperta a todos. Bo verán.

 

DESPEDIDA 4º ESO PROMOCIÓN 15-25

Un día espertamos e atopámonos con que é o derradeiro día no  centro no que levamos dez anos. Lembramos todos os  bos momentos vividos, as frustracións que sentimos, retrincos da nosa vida que quedarán para sempre nos nosos corazóns.

Pero o futuro é noso, esta etapa que finalizamos non é máis que unha pequena parte do que nos resta por vivir, e debemos afrontala con decisión e valentía, con toda a esperanza posta nos nosos soños. Loitar polo que desexamos debe ser agora a nosa prioridade.

Coma un vello carcamal que queda anclado no Cruz do Sar deséxovos toda a sorte do mundo neste camiño que emprendedes, tratade de crer en vós mesmos e nas vosas posibilidades, desfrutade da vida todo o que poidades tendo en conta que a sorte sen traballo non permite alcanzar os obxectivos que pretendemos.

Dous consellos: o primeiro é que tratedes de ser boas persoas e poñervos no pelexo dos demais para saber como se poden sentir; o segundo é que fuxades da avaricia, para mín a orixe da maioría dos problemas da especie humana. Ás veces me teredes escoitado dicir que o mundo se acaba, espero que vos dé tempo a disfrutar das vosas vidas.

Nada máis, aquí estaremos SEMPRE para todo o que precisedes, sexa a nivel persoal ou profesional, xa sabedes que o Cruz do Sar sempre será a vosa casa. E como lle digo a todos os que marchan:

MOITA SORTE A TODOS na vosa vida, lembrádevos de nós algunha vez, perdonádenos se fixemos algunha cousa mal e intentade ser felices.

UN ABRAZO ENORME

FOTOS ACAMPADA

Déixovos o enlace coas fotos que sacamos na acampada. Se alguén quere que quite algunha delas do álbum que mo comunique sen problema. Xa sabedes, pinchade no enlace de abaixo ou no icono da foto na columna da esquerda do blogue.

https://photos.app.goo.gl/HEqULeoBVR54wi7q8

MEMORIA ACAMPADA 24-25

 

O domingo 15 e o sábado 16 de xuño trinta e catro alumnos e alumnas de 2º de ESO acercaronse ao cámping Fragadeume en Queixeiro (Monfero). Saímos ás 10:45 do Concello o domingo e pasamos parte da mañá montando as tendas de campaña e colocando dentro as nosas pertenzas, algúns aínda tiveron tempo de xogar un partido de fútbol e outros de poñer en común toda as chuminadas que levaron. O proceso de montaxe da tendas estivo moi ben, case todos sabían montar as súas tendas con máis ou menos pericia e non faltaba ningún elemento indispensable. Non fixo falla recurrir ás tendas de reforzo que levábamos. 

Pola tarde o sol e un vento frío e incómodo acompañounos no noso traslado a As Eiras (Lagares) para facer a nosa impresionante ruta en Kaiak polo río Fray Bermuz, afluente do Eume. Este ano acompañaunos Abel con Reboiras na embarcación auxiliar; aínda que tamén andaba por alí Rocío axudando nas tarefas de material e embarque. Todos eles vellos coñecidos do Clube Fragas do Eume Kaiak. Os nosos intrépidos palistas foron remontando o río, coma sempre con moito esforzo e moitas queixas, seguíndoo ata o seu estreitamento e volta ao embarcadoiro onde o vento converteu o tradicional baño final nun "sálvese o que poida". Á hora da cea moita fame, a comida coma sempre, regular tirando a mal. E despois, a durmir.... o que se poido...  e o que nos deixaron...

Ao día seguinte ruta zigzagueante e de baixada pola mañá seguindo parte do GR-55 Ruta do Medievo (sendeiro de Gran Percorrido entre Betanzos e San Andrés de Teixido)  ata a ponte de Santa Ana en Caaveiro e despois ata a Alameda do Río Eume antes do Centro de Interpretación das Fragas do Eume  (12-14 km de natureza e beleza). E despois de xantar futbolín, pickleball, voleibol, risas e recollida de tendas para voltar a Bergondo e á nosa rutina. Nesta ocasión malia non ter piscina quedámonos ata as sete e media chegando de volta a Bergondo sobre as 20:15.

Moi bo comportamento pola vosa parte, aínda que eu vos berre igual. A verdade é que é un verdadeiro pracer levarvos a calqueira actividade. Grazas a tod@s, sobre todo a Manuel, que se incorporou o domingo para axudarme na ruta de sendeirismo. Vémonos na seguinte. 

PROGRAMACIÓN E MATERIAL ACAMPADA

 1º día: CÁMPING - PIRAGÜISMO (Domingo 15 de xuño)

09:45   Saída de Bergondo (CONCELLO)
10:30   Chegada ao Cámping Fragadeume (Queixeiro)
11:00   Montaxe tendas / Colocación cousas / Normas cámping e actividades
14:00   Xantar no cámping
15:45   Saída hacia As  Eiras (Clube Deportivo Fragas do Eume)
16:30   Piragüismo no Encoro do Eume
19:30   Regreso ao Cámping
21:00   Cea

2º día:  CÁMPING - SENDEIRISMO NAS FRAGAS (Luns 16 de xuño)
08:00   Levantarse
08:30   Almorzo
09:00   Rota de sendeirismo polas Fragas do Eume (14 -16 Km)
13:00   Chegada a Caaveiro, volta ao cámping en bus
14:00   Xantar
16:30   Recollida tendas
18:00 ou 20:00  Regreso a Bergondo
19:00 ou 21:00  Chegada a Bergondo (CONCELLO)
 
PREZO:  45  EUROS (Cámping / Ruta Piragüismo). Pódese realizar o pago ata o MÉRCORES 11 de xuño, contamos con que vaian todos os que entregaron a autorización.
 
MATERIAL RECOMENDADO:
- TENDA DE CAMPAÑA (Que a monten na casa antes de ir á actividade e que comproben que están tódolos elementos necesarios)
- SACO DE DURMIR / - ESTERILLA
- CALZADO: Tenis cómodos e USADOS para a rota de sendeirismo, o que teña botas pódeas levar (suxeitan mellor o pé) / Chanclas para ducharse no abergue / Para o piragüismo valerían unhas chanclas ou escarpíns, tede en conta que ese calzado vaise mollar.
- ROUPA: Roupa suficiente para dous días, roupa cómoda / Varios pares de calcetíns / Calzado de reposto / Toalla de ducha e elementos de aseo persoal / Bañador / Chubasqueiro / Gorra ou sombreiro para protexerse do sol / Levade unha mochila pequena para levar a roupa para cambiarnos o día da ruta en kaiak e para levar algunha cousa o día da rota de sendeirismo: auga, chubasqueiro, algo de comida...
- BOTIQUÍN: Tiritas, cacao, crema solar / Os alérxicos e asmáticos deben leva-los medicamentos que teñan prescrito.
- OUTROS: Lanterna

AUTORIZACIÓN RAFTING 24-25

O departamento de Educación Física do CPI Cruz do Sar organiza unha saída o venres día 27 de Xuño co alumnado de 3º e 4º de ESO para realizar unha actividade de rafting e paintball, esta actividade entra dentro do bloque de contidos de Actividades na Natureza da programación anual.

O rafting  consiste en baixar en grupos e dentro dunha balsa neumática o curso dun río, o monitor actúa como timonel mentres os demais controlan a embarcación cos remos. A actividade realizase equipados cun traxe de neopreno, chaleco salvavidas, casco  e sempre estaremos acompañados de dous - tres monitores da empresa TURNAUGA.

·   O rafting faríase no río Ulla preto de Padrón e o paintball en Caldas de Reis.

·   A saída será do concello de Bergondo  ás 08:30 h. do día 27 de Xuño.

·   Os alumnos levarán a comida, xantaremos na área recreativa A Barosa.

·   A chegada será entre ás 20:00 ou 21:00 horas.

·   A empresa Turnauga proporciona o material: traxe de neopreno e chalecos e contrata un seguro de responsabilidade civil por cada participante, polo que é necesario que me comuniquen antes o DNI.

·  O prezo é de 46 euros, esto inclúe a actividade de rafting (24 €)  e de paintball (22 € con cargador de 200 bolas).

·    É obrigatorio saber nadar.

·  MATERIAL: Cada participante debe levar un calzado deportivo que se poida mollar ou escarpíns e traxe de baño posto. Deben levar tamén toalla e roupa interior de reposto. Despois cada un que leve a roupa que considere oportuno.

·    Profesores acompañantes: Juan Luis Allegue e Fernando Pazos.

·  A data límite para entregar as autorizacións é o luns 09 de xuño e para pagar o mércores 18 de xuño.

AUTORIZACIÓN ACAMPADA

O departamento de Educación Física do CPI Cruz do Sar de Bergondo está a organizar unha acampada de dous días dirixida ao alumnado de 2º de ESO. Esta actividade está enmarcada dentro do Proxecto Didáctico do Seminario para este curso dentro do Bloque Temático de Actividades no medio natural.

Dado que outros cursos e noutras actividades o alumnado tense dado de baixa a última hora esta autorización implica o permiso para ir á actividade é o compromiso de asistir  ( a non ser que sexa unha causa xustificada).

A actividade realizaríase os días 15 e 16 de xuño (domingo e luns) e tería lugar no cámping de Queixeiro en Monfero. O prezo estaría  sobre os 45 euros. Este curso a actividade estará aberta ao alumnado de 2º de ESO e será preciso un mínimo de 20 alumnos para levar a cabo a actividade. O prazo para entregar a autorización é ata o luns 02 de xuño.

O prezo da actividade incluiría: Ruta de piragüismo no encoro do Eume, ruta de sendeirismo no parque natural das Fragas do Eume, comidas e estancia no cámping Fragadeume, O transporte en bus ao cámping e ás actividades estaría en principio subvencionado polo Concello.

DATAS EXAMES TEÓRICOS 3º e 4º ESO

 As datas dos exames teóricos da 3ª avaliación para 3º e 4º da ESO son as seguintes:

3º ESO A: 29 de maio

3º ESO B: 29 de maio

4º ESO A: 21 de maio

4º ESO B: 21 de maio

FOTOS SURF 24-25

Un total de 23 alumnos disfrutaron durante dous días coa actividade de surf deste curso en Bastiagueiro. Boa compaña, días soleados e boas ondas para aprender. Que máis se pode pedir? Bueno, un pouquiño de silencio. Espero que vos gustara a actividade e que quedarades con ganas de máis Déixovos o enlace coas fotos. Había moitas máis pero a cámara e o zoom do meu móbil non son de moita calidade. Unha aperta a tod@s. 

https://photos.app.goo.gl/xJPqRMLaV2Vpvefn9

ACTIVIDADE SURF 24-25

Rematado o prazo para a entrega das autorizacións temos un total de 24 alumn@s de 1º de ESO para a actividade. Polo tanto todos os alumnos anotados irán dous días á actividade de SURF.

O prezo total da actividade será de 30 € (15€ por cada día). A actividade durará aproximadamente 2 horas. O alumnado deberá levar unha mochila coas súas cousas:  bañador, toallas, chanclas e protector solar. Que leven tamén auga e a súa merenda.

Esta actividade realizarase o mércores  día 15 e 16 de maio co seguinte horario:

09:30                   Saída do centro CPI Cruz do Sar

10:00 a 12:00      SURF

12:30                   Regreso ao centro CPI Cruz do Sar

13:00                   Chegada ao centro

O alumnado que realiza a actividade terá clase no CPI as dúas últimas horas, polo que deben levar unha mochila co material das últimas horas.

UNIDADES ESO 3ª AVALIACIÓN

 As unidades que imos ver durante esta 3ª avaliación en 3º e 4º de ESO son as seguintes:

3º ESO

UD 6. Bailes de salón 2
UD 7. AN3: Orientación

UD 8. Expresión Corporal 3

4º ESO

UD 5. Xogos populares e alternativos 4

UD 6. O ritmo

UD 8. AN4: Escalada

VACACIÓNS SEMANA SANTA

Rematamos a 2ª  avaliación e case o curso, cando voltemos ás aulas quedarán unhas sete semanas de clase incompletas porque temos a ponte do 01 de maio. En xeral, os vosos resultados empeoraron nesta 2ª avaliación con respecto á 1ª. Quixera pedirvos un esforzo pola vosa parte, sobre todo aos que estades en 4º, para poder mellorar estos resultados en xuño. Non valen excusas de se os profes, se non tiven tempo, se me teñen manía... Nós non somos perfectos pero vós tedes que facer un pequeno exercicicio de análise de porqué tedes estes resultados; e seguro que vós dades conta de que a maior responsabilidade recae en vós. Espero que a inmensa maioría poida remontar en xuño, depende unicamente de vós, confiade nas vosas capacidades e posibilidades e priorizade durante algún tempo o estudio sobre o resto das vosas actividades (e redes sociais). Voltamos o 22 de abril. Descansade e recuperade despois dun torneo de fútbol intenso e con moitos tocados físicamente. Vémonos nuns días. Unha aperta a tod@s.

RESULTADOS 2ª AVALIACIÓN

Os resultados da 2ª Avaliación en Secundaria realizada o martes día 08 de abril  foron os seguintes: 

1º ESO A:      24 alumnos        24  aprobados      00 suspensos         100% aprobados

1º ESO B:      24 alumnos        23 aprobados       01 suspensos          96% aprobados

TOTAL 1º     48 alumnos        47 aprobados       01 suspensos           98% aprobados

2º ESO A:      24 alumnos        24 aprobados       00 suspensos        100% aprobados

2º ESO B:      25 alumnos        25 aprobados       00 suspensos         100% aprobados

TOTAL 2º     49 alumnos        49 aprobados       00 suspensos         100% aprobados

3º ESO A:     19 alumnos         19 aprobados        00 suspensos       100% aprobados

3º ESO B:     19 alumnos         18 aprobados        01 suspensos         95% aprobados

TOTAL 3º    38 alumnos         37 aprobados        01 suspensos         97% aprobados

4º ESO A:     24 alumnos         22  aprobados       02 suspensos        92% aprobados

4º ESO B:     24 alumnos         23 aprobados        01 suspensos        96% aprobados

TOTAL 4º:   48 alumnos         45  aprobados       03 suspensos        94% aprobados

TOTAL   183  alumnos   178 aprobados   05 suspensos   97% aprobados

FOTOS TORNEO FÚTBOL SALA 24-25

Déixovos o enlace ás fotos do torneo. Se alguén sacou algunha e quere que as suba que mas envíe. Unha aperta.

https://photos.app.goo.gl/3f7rXq4k6ZnLZWxt7

RESULTADOS TORNEO FÚTBOL SALA 24-25

9 equipos participaron nesta nova edición do Torneo de fútbol-sala no CPI Cruz do Sar coa victoria final do equipo "XABARÍN CLUB" nunha apaixoante final contra o euipo "XOSE ANTONIO´S" decidida na tanda de penaltis. Noraboa aos campións e a todos os participantes e asistentes ao torneo. Coma sempre o ambiente nas gradas foi impresionante, sobre todo no partido de exhibición dos gañadores contra o equipo de prof@s. Mandarlle un saúdo especial a Mateo, que hoxe non poido estar con nós. Bueno, pois a descansar, recuperarse e a disfrutar dunhas merecidas vacacións.

   XOVES            OS LOIS – TOMATITOS                          (2-6)

09:45-10:15         TOMATITOS – XOSE ANTONIO´S        (1-6)

10:15-10:45         A MOLE  – SANGÜESUDOS                    (6-2)

10:45-11:15         MERMELADOS – XABARÍN CLUB     (1-10)

11:15-11:45          FUENTEALBILLA – RULETA M.          (4-0)

SEMIFINALES

11:45-12:15          XOSE ANTONIO´S  –  A MOLE              (5-2)

12:15-12:45          XABARÍN C - R. FUENTEALBILLA     (0-1)

FINAL

13:00-13-30          XOSE ANTONIO´S – XABARÍN C.        (2-2) 

FOTOS TORNEO XADREZ 24-25

 

Déixovos o enlace ás fotos que se sacaron durante esta edición do Torneo de xadrez, moitas grazas ás fotógrafas, a verdade é que non tiven tempo de sacar ningunha. Unha aperta.

https://photos.app.goo.gl/e9t8ZfAkAcQhBcsH9

RESULTADOS IV TORNEO XADREZ CRUZ DO SAR

 Este martes 08 de abril celebramos no CPI  Cruz do Sar o IV Torneo de Xadrez. Houbo un total de 117 inscritos dos diferentes cursos da ESO e de 4º, 5º e 6º de Educación Primaria. Este curso incorporamos ao alumnado de 4º de EP que fixo un gran papel.

Felicitar a tod@s, en especial aos de Primaria e a todos os que estivestes loitando ata a derradeira partida para mellorar o voso posto. Unha mágoa non poder facer as oito rondas porque a verdade é que estaba a ser un torneo moi interesante.

 Agradecervos a todos a vosa participación, o voso comportamento e tamén a vosa inapreciable axuda na colocación e na recollida de todo o material: taboleiros, mesas e sillas. En canto aos resultados hai unha clasificación  e uns estades máis arriba e outros maís abaixo. Para mín todos sodes gañadores pola experiencia de xogar un "torneo case real" e por ser capaces de pasar un rato sentados e pensando (uns máis ca outros). Tede en conta tamén que as idades son diferentes e os niveis tamén. O MÁIS IMPORTANTE é que todos estiveramos unha mañá xuntos disfrutando con ese DEPORTE "RARO" que é o XADREZ. A seguir disfrutando do xadrez, aínda que estaría ben que algúns practicarades algo durante o ano e non só cando toca torneo.

Os resultados foron os seguintes:

1º Clasificado:   Franco Bencomo Vicedo
2º Clasificado:   David Alonso Negreira
3º Clasificado:   Leire Sandá López
4º Clasificado:   Yerai Álvarez Pombo
Mellor alumna clasificada:   Leire Sandá López
Mellor clasificado de 4º de EP:   Jorge Sanjurjo Portero

Mellor clasificado de 5º de EP:   Hugo Ferreiro Sánchez
Mellor clasificado de 6º de EP:   Luca Varela Codesal
Mellor clasificado de 1º de ESO:   Álvaro Fernández Sánchez
Mellor clasificado de 2º de ESO:   Franco Bencomo Vicedo
Mellor clasificado de 3º de ESO:   David Alonso Negreira
Mellor clasificado de 4º de ESO:   Yerai Álvarez Pombo

Deixovos un enlace coa clasificación final do torneo. 

CLASIFICACIÓN IV TORNEO XADREZ CPI CRUZ DO SAR

Tamén, coma sempre, quería pedir desculpas a Mariña, Ainhoa e algún máis por ter cometido algun erro durante a toma de datos de victorias e derrotas. Bueno, pois nada despois dun día intenso a descansar, GRAZAS de novo a todos por participar. En breve subirei á páxina as fotos que se sacaron durante o torneo. SEGUIDE PRACTICANDO sen desanimarvos.

FOTOS ACROSPORT 24-25

Déixovos aos cursos de 3º de ESO as fotografías de acrosport que sacamos na última clase adicada ás grandes estructuras. Grazas a tod@s os que colaborastes na realización das figuras ou na toma das imáxenes. Pódedes atopar todas as imáxenes no enlace: https://photos.app.goo.gl/7yLDvPt2DsBSVRCy5

AUTORIZACIÓN SURF 24-25

Esta semana repartimos as autorizacións para a actividade de surf dirixida ao alumnado de 1º de ESO e que se realizará  os días 15 e 16 de maio. Deberá ser entregada antes do venres 11 de de abril.  O horario aproximado será de 09:20 a 13:30. É preciso saber nadar para participar na actividade.

O prezo da actividade é de 15 euros por día. O prezo está calculado para unha ratio de 25 participantes. 

- MENOS DE 25 ANOTADOS IREMOS TODOS OS DOUS DÍAS (30€) 

- MÁIS DE 25 ANOTADOS FAREMOS DOUS GRUPOS (15€) (1 DÍA) CADA GRUPO IRÁ SÓ UN DÍA

Unha vez recontadas as autorizacións e coñecendo o número exacto informarase dos días que irá cada grupo e do prezo definitivo.

A actividade inclúe o transporte en autocar ata a praia de Bastiagueiro e a realización da actividade en sí. Irán acompañados de profesores do centro e a actividade estará supervisada por monitores especializados en surf da empresa Pradosurf.

Os rapaces deberán levar unha mochila coas súas cousas:  bañador, toalla, chanclas e protector solar. 

CALENDARIO TORNEO FÚTBOL-SALA

O torneo de fútbol-sala terá lugar os días 10 e 11 de abril cos seguintes horarios aproximados: 

XOVES 10 DE ABRIL

12:30-13:00          OS LOIS - TOMATITOS                 (1)

                                                                 Árbitro: Juan Luis Allegue

VENRES 11 DE DECEMBRO

09:20-09:45           ENTRADA AO PAVILLÓN

09:45-10:15           Gañador 1 – XOSE ANTONIO´S                          (A)

Árbitro: Brais Losada

10:15-10:45           A MOLE  – SANGÜESUDOS                                (B)

Árbitro: Daniel Cubeiro

10:45-11:15           MERMELADOS – XABARÍN CLUB                   (C)

Árbitro: Hugo Fernández

11:15-11:45          FUENTEALBILLA – RULETA MECÁNICA        (D)

Árbitro: Pablo Rodríguez 

11:45-12:15          Gañador A – Gañador B

12:15-12:45          Gañador C – Gañador D

13:00-13:30          Gañador A-B / Gañador C-D

13:45-14:15         Gañador Torneo - Equipo prof@s

NORMAS TORNEO FÚTBOL-SALA 24-25

 NORMAS XERAIS

Cada partido durará 2 partes de 10 minutos incluido as semifinais e a final. O alumnado participante deberá coñecer, aceptar e acatar as seguintes normas:

1. Os saques de banda e de esquina realizaranse co pé.

2. O porteiro poderá saír da área e xogar o balón co pé sen cometer falta.

3. O porteiro dende a súa propia portería non poderá lanzar o balón coa mán ou co pé mais aló do medio campo, de producirse esta situación sancionarase con falta a favor do outro equipo.

4. Todos os equipos deberán ter en pista durante todo o partido a unha xogadora. De incumprirse o equipo será descalificado.

5. Todos os participantes comprométense a manter un comportamento deportivo amosando o debido respecto aos compañeiros, aos contrarios e á figura do árbitro. Asemade respetarán as regras e non amosarán conductas violentas. De producirse calquera situación de violencia inxustificada o xogador será descalificado e non poderá seguir xogando o campionato.

6. O público deberá manter tamén un comportamento deportivo animando ao equipo que queiran, pero sen facer comentarios despectivos hacia os rivais ou hacia os árbitros. De producirse algunha situación deste tipo os implicados deberán abandonar o recinto.

IV TORNEO XADREZ CPI CRUZ DO SAR. NORMAS.

      O vindeiro martes 08 de abril celebraremos a IV edición do noso torneo de xadrez CPI Cruz do Sar. O torneo comezará sobre as 09:30 da mañá do martes no pavillón. O alumnado que vaia participar debe dirixirse ao pavillón en canto toque o timbre de entrada . O torneo durará toda a mañá polo que o alumnado que participa non irá a ningunha clase ese día.

     Hai un total de 117 alumn@s anotados entre Primaria e Secundaria. O torneo constará de oito rondas e se xogará sempre contra rivais do mesmo nivel, é dicir sempre xogaremos contra aqueles que teñan o mesmo número de victorias ou derrotas ca nós. Todo o alumnado xogará as oito rondas.

     O tempo para cada partida é limitado (30 minutos aproximadamente). No caso de non rematar a partida no tempo estipulado contarase o valor das pezas e adxudicaráselle a victoria ao que teña máis puntos en pezas. De ter as mesmas serán tablas. En último caso decidirá a organización do torneo. Cada victoria valerá un punto e as tablas medio punto para cada un.

        

HORARIOS DE CADA RONDA

 

1ª Ronda: 09:30

2ª Ronda: 10:00

3ª Ronda: 10:30

4ª Ronda: 11:00

 

11:30 – 12:00  DESCANSO

 

5ª Ronda: 12:00

6ª Ronda: 12:30

7ª Ronda: 13:00

8ª Ronda: 13:30

 

Sorte a todos, lembrade que no xadrez é preciso manter o silencio e grazas pola vosa participación.

PROFESORADO EN PRÁCTICAS: IAGO E DAVID.

Esta semana despedimos, con gran pesar, a Iago e a David. Iago estivo a facer con nós as súas prácticas de INEF e David as súas prácticas do Master de profesorado. Iago foi ex-alumno do noso centro e David  pertence ao concello de Vilarmaior. Foi un gran pracer poder tervos con nós durante estos meses, agardamos que nalgún momento poidades volver a este centro algún de vós coa praza aprobada. Desexámosvos moita sorte na vosa vida profesional e personal. Xa sabedes que estamos aquí para o que precisedes. Grazas por todo.

FOTOS CAMIÑO SANTIAGO 24-25

 

Déixovos o enlace ás fotos que xuntamos entre tod@s. se alguén ten algunha máis que queira subir que as envíe por privado. Unha aperta.

https://photos.app.goo.gl/yBKzVKQKecEbbAWG7

CAMIÑO SANTIAGO 24-25

O xoves 13 e o venres 14 de marzo, 30 alumnos de 4º de ESO continuaron a nosa peregrinación hacia Santiago de Compostela realizando as seguintes dúas etapas do Camiño Francés en Galicia: Palas-Melide e Melide-Arzúa. Xa nos queda menos para chegar a Santiago. Estas dúas etapas eran etapas sinxelas duns 15 Km e moi pouco desnivel acumulado. En xeral houbo unha boa aceptación das etapas e conseguimos realizalas sen maiores contratempos. O frío acompañounos os dous días pero a chuvia non fixo acto de presencia. No albergue eramos os únicos peregrinos en Melide e pola noite foi inevitable algo de ruido.

Espero que, de todos xeitos e a pesar de todo, a experiencia fose gratificante para a maioría de vós. O Camiño é unha experiencia de introspección e superación personal pero tamén de relación e comunicación cos demais e co entorno. Espero que algún día poidades repetir a experiencia facendo a totalidade deste ou de calqueira outro Camiño.

Grazas pola vosa participación, o voso comportamento e sobre todo polo voso esforzo. Agradecer sobre todo a Fernando a súa colaboración, axuda e compaña durante estos dous días. BO CAMIÑO!

     

DATAS EXAMES TEÓRICOS 3º e 4º ESO

 As datas dos exames teóricos da 2ª avaliación para 3º  e 4º ESO son as seguintes:

3º ESO A: 11 de marzo

3º ESO B: 11 de marzo

4º ESO A: 17 de marzo

4º ESO B: 17 de marzo

AUTORIZACIÓN CAMIÑO DE SANTIAGO 24-25

ACTIVIDADE: Realización do tramo do Camiño de Santiago (Camiño Francés) Palas – Melide - Arzúa durante os días 13 e 14 de Marzo.

OBXECTIVOS:

• Realizar unha marcha nun medio natural e urbano.

• Adaptarse ás condicións ambientais e climatolóxicas.

• Desenrolar a capacidade de convivencia.

• Coñecer a variedade multicultural dos distintos pobos e os diferentes medios naturais polos que transita o chamado Camiño Francés.

CONTIDOS:

• Realización dunha marcha.

• Coñecemento xeográfico, artístico e natural da zona.

PROGRAMA DE ACTIVIDADES / CARACTERÍSTICAS:
KILÓMETROS TOTAIS: 29 km. Repartidos en 2 etapas: Palas - Melide (15 Km) e Melide - Arzúa (14 Km), O bus nos levará ata Palas o xoves e o venres nos trasladará de novo a Bergondo.
ALBERGUES: Albergue O Cruceiro. Ronda de A Coruña Nº 2, Melide.

1º día: PALAS - MELIDE (15 Km) (4h)
09:45 Saída de Bergondo (CPI Cruz do Sar)
11:00 Chegada a Palas
11:15 Comezo  da etapa
14:00 Parada durante a etapa para xantar
17:00 Melide (chegada albergue, ducha, cea)

2º día MELIDE - ARZÚA (14 Km) (4h)
08:00 Levantarse, almorzo
09:00 Saída  de Melide
14:00 Chegada  a Arzúa
15:00  Xantar Arzúa
17:30  Saída hacia Bergondo
19:00 Chegada aproximada a Bergondo (Concello)
En principio o bus será abonado polo Concello polo que non vai incluido no prezo final.
O prezo inclúe a estancia no albergue en Melide. O primeiro día levaremos a comida para xantar durante a etapa. Despois terían que levar cartos para a cea dese día e o almorzo e xantar do venres en Arzúa. 

ENTREGAR A AUTORIZACIÓN ATA O VENRES 21 DE FEBREIRO, para poder ir sabendo as prazas de bus que precisamos e facer as reservas no albergue.

CONSELLOS PRÁCTICOS
1. Axusta-lo calzado ó pé para que non se produzan rozaduras.
2. As etapas tentaremos facelas pola mañá, estamos menos cansos e máis mentalizados, polo que non podemos deitarnos tarde.
3. Convén camiñar algo as semanas antes da actividade para ir afacendo os pés.
4. O camiño está marcado con frechas amarelas e postes indicadores.
5. Nos tramos de estrada camiñar pola beira esquerda, de un en un e con coidado
6. Ó face-la mochila colocar os obxectos máis pesados no fondo e pegados á espalda
7. Facer estiramentos antes de empezar a andar e ó chegar ós albergues
PREZO: Albergue O Cruceiro (Melide) 13 €. 

MATERIAL RECOMENDADO:
COMIDA 

• Para o primeiro día levar a comida, para cear podemos facelo en Melide ou no albergue o que teña aínda comida. O segundo día chegaremos a Arzúa para poder xantar alí.

CALZADO

• Tenis cómodos e USADOS, o que teña botas pódeas levar (suxeitan mellor o pé), tamén levar unhas zapatillas-plaieiros lixeiras para descansa-los pés no albergue.

ROUPA

• SACO DE DURMIR

• Roupa suficiente para dous días, roupa cómoda.

• Varios pares de calcetíns de algodón

• Calzado de reposto

• Toalla de ducha e elementos de aseo persoal

• Chubasqueiro

• Gorra ou sombreiro para protexerse do solLevade dúas mochilas: unha pequena para a comida e camiñar con ela e outra para a roupa do día seguinte e o saco que irán no bus.

BOTIQUÍN

• Tiritas, cacao, crema solar.

• Os alérxicos e asmáticos deben leva-los medicamentos que teñan prescrito.

OUTROS

• Caxato de madeira, mapa de ruta e compostela, navalla, agulla e fío, tarxeta  seg. social...

UNIDADES ESO 2ª AVALIACIÓN

 As unidades que imos ver durante esta 2ª avaliación nos cursos de 3º e 4º de educación secundaria son as seguintes:

3º ESO

UD 3. Voleibol
UD 4. Acrosport

UD 5. Xogos populares e alternativos 3

4º ESO

UD 2. Actividades de raqueta 2.

UD 4. O rugbi.

UD 5. Xogos populares e alternativos 4.

INICIO CLASES

O mércores 08 de xaneiro voltamos ás clases no CPI Cruz do Sar. Agardo que todos voltedes con forzas renovadas e con ilusión por aprender e acadar os mellores resultados posibles.

Deséxovos a todos un Feliz 2025 e que o día despois non sexa coma o da viñeta. Unha aperta.

RESULTADOS PRIMEIRA AVALIACIÓN

Os resultados da 1ª Avaliación en Secundaria realizada o martes día 17 de decembro  foron os seguintes: 

1º ESO A:      24 alumnos        24  aprobados      00 suspensos         100% aprobados

1º ESO B:      24 alumnos        24 aprobados       00 suspensos         100% aprobados

TOTAL 1º     48 alumnos        48 aprobados       00 suspensos         100% aprobados

2º ESO A:      24 alumnos        24 aprobados       00 suspensos        100% aprobados

2º ESO B:      24 alumnos        24 aprobados       00 suspensos         100% aprobados

TOTAL 2º     48 alumnos        48 aprobados       00 suspensos         100% aprobados

3º ESO A:     18 alumnos         18 aprobados        00 suspensos       100% aprobados

3º ESO B:     19 alumnos         15 aprobados        04 suspensos         79% aprobados

TOTAL 3º    37 alumnos         33 aprobados        04 suspensos         89% aprobados

4º ESO A:     24 alumnos         21  aprobados       03 suspensos        88% aprobados

4º ESO B:     23 alumnos         23 aprobados        00 suspensos       100% aprobados

TOTAL 4º:   47 alumnos         44  aprobados       03 suspensos        94% aprobados

TOTAL   180  alumnos   173 aprobados   07 suspensos   96% aprobados

FOTOS SEMANA NEVE 24-25

Non teño moitas fotos vosas este ano, están as que sacamos os profes e as que teño vosas que non son paisaxes. Podedes acceder a elas no seguinte enlace ou no icono da actividade mo menú da esquerda. Unha aperte. Vémonos en poucos días. 

https://photos.app.goo.gl/5jQ67ciE6LgQFZZF8