Tras rematar o prazo de entrega de autorizacións temos un total de 59 alumnos de 3º e 4º de ESO para dita actividade. Esto supón ter que levar un autocar de 63 prazas. En principio imos arriscarnos a tratar de levar adiante esta saída malia que as cifras de incidencia están volvendo a subir.
A viaxe será finalmente do día 13 ao 17 de febreiro (esquiando os días 14, 15, 16 e 17) na estación de Astún (Jaca, provincia de Huesca).
O prezo por persona estará entre os 410- 415 euros. No caso de querer facer snow o suplemento é de 20 euros. Para facer snow deberán levar protectores de pulso.
O alumnado anotado para a actividade terá que facer o depósito dunha fianza de 100 euros antes do 30 de novembro na conta ES19 2080 0045 9130 4000 7164 poñendo en observacións o nome e apelidos do alumn@. Asemade antes desa data deberán traer unha copia do certificado de vacinación da COVID.
Empezaremos a repartir a vindeira semana as rifas para que poidan financiar parte da viaxe, cando acaben un talonario teñen que ingresar os 100 euros e poderían recoller outro ata un máximo de catro.
Material: Protector solar (factor 25-50) e labial, gafas de sol para neve, gorro e polar, pantalón de neve, chándal impermeable ou similar, anorak, luvas, calcetíns altos (varios pares), roupa de abrigo, DNI, copia da tarxeta sanitaria.
Realizaremos unha reunión coas familias antes de Nadal para explicar con detalle a actividade e as normas a seguir na viaxe, aclarar as dúbidas que poida haber e analizar como vai a incidencia acumulada nesas datas. Sería aconsellable que non mercaran nada antes desa reunión por si acaso nos viramos na obriga de suspender a actividade, No caso de suspensión posiblemente non recuperemos parte desa fianza (aproximadamente uns 40-50 € da reserva). Lamentamos esta incertidume pero as cifras da pandemia non invitan ao optimismo. Para calqueira dúbida podedes contactar comigo sen problema.
No hay comentarios:
Publicar un comentario