NORMAS MATERIAL LECER ESO

 1. O material de lecer para o alumnado de ESO estará nun baúl pechado na entrada do edificio da ESO.

2. Este baúl SÓ PODERÁ SER ABERTO NAS HORAS DE RECREO E POLOS ENCARGADOS DESIGNADOS. O resto do alumnado non pode coller as chaves, terá que buscar a un encargado para que abra.

 

3. O BAÚL NON PODERÁ ABRIRSE EN HORAS DIFERENTES ÁS DO RECREO, para evitar que quede aberto e collan material alumnos de EP, comedor ou extraescolares.

 

4. Cando soe o timbre de entrada do recreo todo o alumnado procederá a recoller o máis rápido posible o material para que os encargados poidan pechar o baúl a tempo para ir a clase. TODOS SODES RESPONSABLES DO MATERIAL.

 

5. O alumnado de ESO encargado de abrir e pechar o baúl nos recreos será sustituido cada trimestre, ante calqueira incidencia deberá comunicarllo ao xefe de departamento de EF, o baúl debe quedar pechado tras cada recreo e as chaves no seu lugar. SÓ HAI CATRO ENCARGADOS (UN POR NIVEL). Todo o alumnado se compromete a acatar as directrices destes encargados. Os encargados este trimestre son:

 

1º ESO – Carlos García Casal

2º ESO – Yerai Álvarez Pombo

3º ESO – Tomás Menéndez Prado

4º ESO – David Pan Castiñeira

 

6. As mesas de ping-pong estarán colocadas no patio. PROCURADE non molestar ás clases de Primaria. NAS MESAS ESTÁ ESTRICTAMENTE PROHIBIDO SENTARSE (especialmente os que xogades nelas).

 

8. Todos debedes colaborar no coidado do material, lembrade que ese material é voso e vos corresponde ser responsables e facer un bo uso do mesmo.

 

9. SE NON SE CUMPREN ESTAS NORMAS POR PARTE DE TODO O ALUMNADO DE ESO RETIRARASE O MATERIAL.

 

10. PENSADE EN TODO ESTO E TRATADE DE SER RESPONSABLES.

AUTORIZACIÓN SEMANA NEVE 22-23

O departamento de Educación Física do CPI Cruz do Sar está a organizar unha viaxe á neve dirixida ó alumnado de 6º de EP, 2º e 3º de ESO. Esta actividade está enmarcada dentro do Proxecto Didáctico do Departamento dentro das Actividades no medio natural.

Esta autorización implica o permiso para asistir á actividade é o acordo co  depósito dunha fianza de 100 euros que poden perder se non van (a non ser que sexa unha causa xustificada). O prazo para entregar a autorización e facer o depósito é ata o luns 31 de outubro. 

O alumnado anotado para a actividade deberá facer o depósito dunha fianza de 100 euros antes do 31 de outubro na conta ES19 2080 0045 9130 4000 7164 poñendo en observacións o nome e apelidos do alumn@.

 

A actividade realizaríase en principio no mes de decembro (18-23) e tería lugar na estación de Formigal no Pirineo aragonés (4 días de esquí máis a viaxe). O prezo estaría aproximadamente sobre os 435 €.

 

O programa da actividade incluiría: Transporte en autobús de Galicia á estación elexida / Transportes diarios hotel-estación-hotel / 4 noites no hotel en réxime de media pensión / 4 días de comidas en pistas / 4 días de remonte / 2 horas diarias de clases de esquí / Seguro de viaxe e de esquí

SESIÓN PRÁCTICA 4º ESO

 SESIÓN PRÁCTICA  A REALIZAR POLO ALUMNADO  / 4º ESO

Día de realización da sesión: venres, 28 de Outubro

PRINCIPIOS A SEGUIR

Tódolos grupos farán unha sesión completa que entregarán ó profesor con fase inicial (quecemento), principal (4 exercicios ou xogos de forza e 4 exercicios ou xogos de velocidade) e final (estiramentos ou exercicios de relaxación) e exporán a parte que lles foi asignada.

1º grupo                      Quecemento

2º grupo                      2 exercicios de forza

3º grupo                      2 exercicios de forza

4º grupo                      2 exercicios de velocidade

5º grupo                      2 exercicios de  velocidade

6º grupo                      Exercicios de relaxación e/ou estiramentos

VALORACIÓN

1ª parte:          sesión escrita

2ª parte:          posta en práctica por tódolos compoñentes dos exercicios.

GRUPOS 4º ESO A

1. Andrés, Nico e Miguel.

2. Xabi e Aarón.

3. Daniela, Alejandra e Zóe.

4. Leire, Sara e Elba.

5. Jacobo, Óscar e Andrea.

6. Marta, Ana e Candela.

GRUPOS 4º ESO B

1. Benji, Mateo e David.

2. Agustín, Álex e Jacobo

3. Antía, Sara M e Anxo.

4. Alba, Laura M e Sara O.

5. Pablo e Elmo

6. Victoria, Laura V e Lydia.

QUECEMENTO 1º ESO

Durante este trimestre tedes que elaborar un quecemento xeral por grupos e dirixilo nunha das sesións. Lémbrovos as partes do quecemento:

1. Posta en accción: exercicios de carreira suave ou desprazamento

2. Exercicios de movilidade articular

3. Estiramentos

4. Exercicios de maior intensidade: de carreira más intensa, de forza...

5. Volta á calma

Pensade que vou avaliar este quecemento cunha nota de grupo e unha individual. Tratade de ser un pouco creativos e innovadores cos exercicios. De ter calqueira dúbida consultádemo.

Os grupos  e as datas aproximadas son os seguintes:

1º ESO A
GRUPO 1. Mariña, Alicia e Daniela. (luns 03 de outubro)

GRUPO 2. Bruno, Ismael e Hugo. (mércores 05 de outubro)

GRUPO 3. Réka, Óscar e Luján. (xoves 06 de outubro)

GRUPO 4. Vega, Gabriel e Mario. (luns, 10 de outubro)

GRUPO 5. Antón, Sara e Alba. (mércores 11 de outubro)

GRUPO 6. Samuel, Lucía e César. (xoves 12 de outubro)
1º ESO B

GRUPO 1. David, Nerea e Carlos C. (luns 03 de outubro)

GRUPO 2. Daniela, Alma e Carlos G. (xoves 06 de outubro)

GRUPO 3. Thomas, Mencía e Santiago. (venres 07 de outubro)

GRUPO 4. Alba, Martín e Adrián. (luns 10 de outubro)

GRUPO 5. Naiara, Antía, Rosaura e Andrea. (xoves 13 de outubro)

GRUPO 6. Marta S., Noa e Marta V. (venres 14 de outubro)

INICIO CURSO 22-23

O día 8 de setembro iniciamos un novo curso no CPI Cruz do Sar, un curso marcado polo de agora pola eliminación das medidas COVID, agás no transporte; e pola reducción drástica dende educación de profesorado tanto no noso centro coma no resto.

Estreamos tamén unha nova lei educativa, a LOMLOE, tanto en 1º coma en 3º de ESO sen estar aprobados e publicados os novos currículos.

Trataremos de facelo o mellor posible. Benvid@s de novo ao voso centro.

FOTOS ACAMPADA 21-22

Agradecevos a tod@s a vosa compaña estos dous días e tamén o voso bon comportamento. Lamentar que non poideramos utilizar a piscina e tamén un pouco o tema da comida. O cámping cambiou de donos este ano e eu tratara con eles máis ou menos as comidas pero bueno, non se axustaron demasiado ao que tiñamos acordado. En parte a culpa foi miña por non concretar todo.

Espero que o pasarades ben a pesar das queixas durante a ruta de sendeirismo, como pequeno consello para que teñades en conta (sabendo que non me ides facer caso) está o tema do móbil. Sodes totalmente dependentes deles e tedes que aprender a limitar o seu uso, tampouco é culpa totalmente vosa, esta sociedade está feita así pero como falababa un destes días con Emma tedes que aprender a ser críticos, é dicir, analizar as cousas e formar unha opinión sobre elas. 

Bueno, xa calo, quédavos o enlace coas fotos que saquei e que me enviastes (seleccionadas), tamén podedes acceder clicando na foto da actividade no menú da esquerda da páxina. Agradecer públicamente a Fernando a súa colaboración, axuda e compromiso porque sen él non podería ter feita esta actividade. Unha aperta a tod@s. Vémonos en setembro ou antes.

https://photos.app.goo.gl/djanwta9miuy8Pjx9

DESPEDIDA 4º ESO

Ao final con este final de curso descafeinado e caótico non tiven ocasión de sacar foto cos de 4º ESO A, por eso vai esta foto da graduación na que non estou eu pero estades a maioría. Nin foto, nin enquisa de final de curso, nin palabras de despedida, nin rafting...

A verdade é que todos os anos o alumnado de 4º de ESO abandona o centro para seguir o seu camiño. Sempre hai en vós unha unha mistura de nostalxia e esperanza: nostalxia por deixar un centro que case foi a vosa casa e esperanza pensando no que o futuro vos terá reservado. O único consello que vos podo dar é que creades en vós mesmos, que loitedes  polo que queredes, que intentedes non facer dano aos demais e que sen traballo ninguén vos vai regalar nada.

Dende este blogue so quería desexarvos toda a sorte do mundo nesa etapa alonxados de nós que ides comezar, lembrádevos de nós algunha vez, perdonádenos se fixemos algunha cousa mal e intentade ser felices. Un bico a todos!!!!

FIN DE CURSO. POR FIN!!!

Este curso foi un ano raro. Non sei se podería con outra semana máis. O curso no que por fin a pandemia nos deixou empezar a facer algunha actividade e o primeiro curso sen exames de setembro aínda que perdamos case todo o mes de xuño. En fin, desexarvos a tod@s unhas felices vacacións, que descansedes todo o que poidades, que gastedes uns minutos en analizar cómo foi o voso curso e ver en que podedes mellorar. Eu prometo facer o mesmo. Un saúdo a todos. Bó verán.

CANCELACIÓN RAFTING

Debido a moitas baixas de última hora temos que proceder á cancelación da actividade de rafting que tiñamos prevista para o luns 27 de xuño. Unha mágoa porque era unha actividade moi interesante para vós. Quédame aínda xente por devolverlle o importe da actividade, os que faltades buscádeme hoxe polo centro. Un abrazo a tod@s. 

APRAZAMENTO ACAMPADA

A acampada prevista para os días 19 e 20 de xuño queda aprazada para os días 30 de xuño e 01 de xullo (xoves e venres)  debido ás adversas condicións metereolóxicas. Lamento moito o cambio porque hai alumnado que non pode ir nas novas datas pero non quedou outra opción. Outra vez será...